Yozgi ta’tilni mazmunli o‘tkazing: “Dolzarb 90 kun” doirasida Toshkent Kimyo xalqaro universiteti talabalariga yangi imkoniyatlar
O‘zbekiston Respublikasi Prezidenti Shavkat Mirziyoyev tashabbusi bilan joriy etilgan “Dolzarb 90 kun” loyihasi doirasida Toshkent Kimyo xalqaro universitetida yozgi ta’til davrida talabalar bandligini ta’minlash, ularning bo‘sh vaqtini mazmunli o‘tkazish, sog‘lom turmush tarzini shakllantirish va kasbiy rivojlanishini qo‘llab-quvvatlash maqsadida bir qator amaliy tadbirlar tashkil etilmoqda.
Xususan, universitetimizning strategik hamkori bo‘lgan “Mikrokreditbank” ATB bilan hamkorlikda talabalarni bank tizimida ish bilan ta’minlash, ularning startap loyihalarini moliyalashtirish uchun imtiyozli kreditlar ajratish, talabalarga bepul moliyaviy konsalting xizmatlarini taqdim etish maqsadida tadbir o‘tkazildi.
Mazkur hamkorlik talabalarga o‘z kasbiy faoliyatini erta boshlash, biznes g‘oyalarini ro‘yobga chiqarish hamda moliyaviy savodxonligini oshirish imkonini beradi.
Toshkent Kimyo xalqaro universiteti talabalarning har tomonlama rivojlanishi uchun shart-sharoitlar yaratishda davom etadi. Universitet maqsadi — yoshlar nafaqat nazariy bilimlarga ega bo‘lishi, balki uni real hayotda ham tatbiq eta olish imkoniyatiga ega bo‘lishidir.
