Toshkent Kimyo xalqaro universitetida bilimli, tashabbuskor va faol talabalarni qo‘llab-quvvatlash maqsadida ta’lim grantlari hamda nomdor stipendiyalar tizimi yo‘lga qo‘yilgan. Ushbu imkoniyatlar talabalarning akademik yutuqlari, ilmiy faoliyati, liderlik qobiliyati va universitet hayotidagi faolligini rag‘batlantirishga xizmat qiladi.

Ta’lim granti
Universitetda tahsil olayotgan talabalar ta’lim grantiga nomzod sifatida hujjat topshirishlari mumkin. Grant universitetning eng iqtidorli va faol talabalarini qo‘llab-quvvatlashga qaratilgan bo‘lib, nomzodlar bir qator mezonlar asosida baholanadi.

Ta’lim grantiga qo‘yiladigan talablar
Universitetning ta’lim grantini qo‘lga kiritish istagidagi talabalar quyidagi mezonlarga javob berishlari lozim:

•     motivatsion xat taqdim etish;
•     barcha fanlarni muvaffaqiyatli o‘zlashtirish va yuqori akademik ko‘rsatkichlarga ega bo‘lish;
•     semestr yakunida barcha fanlardan faqat a’lo baholarga ega bo‘lish;
•     kamida ikki nafar professor-o‘qituvchining tavsiyanomasini taqdim etish;
•     xalqaro va respublika miqyosidagi ilmiy-amaliy konferensiyalar hamda turli darajadagi tanlovlarda faol ishtirok etish va sovrinli o‘rinlarni egallash;
•     universitetning ijtimoiy, ma’naviy-ma’rifiy va jamoat hayotida faol qatnashish;
•     davlat tilidan tashqari kamida bitta xorijiy tilni bilish darajasini tasdiqlovchi sertifikatga ega bo‘lish (TOPIK 4 yoki IELTS 6.0 va undan yuqori);
•     shaxsiy fazilatlari, odobi, tashabbuskorligi va yetakchilik qobiliyatlariga ega bo‘lish.
• Shuningdek, grant nomzodlarining ilmiy, ijodiy va jamoatchilik faoliyatidagi yutuqlari ham alohida e’tiborga olinadi.
• Nomdor stipendiyalar

Universitetda quyidagi nufuzli nomdor stipendiyalar ta’sis etilgan:

•     Universitetning birinchi rektori Janpo‘lat Kudaybergenov nomidagi stipendiya;
•     Taniqli iqtisodchi olim Ahmadjon O‘lmasov nomidagi stipendiya;
•     Iqtisod fanining yetuk vakili Murod Sharifhadjayev nomidagi stipendiya.

Mazkur stipendiyalar bakalavriat va magistratura bosqichida tahsil olayotgan talabalar uchun mo‘ljallangan bo‘lib, stipendiya sohiblariga 100 foizlik stipendiya taqdim etiladi.
Nomdor stipendiyaga qo‘yiladigan talablar
Nomzodlardan quyidagilar talab etiladi:

•     yuqori GPA ko‘rsatkichlariga ega bo‘lish;
•     o‘qish davomida FAIL baholarga ega bo‘lmaslik;
•     universitetning ilmiy, madaniy va ijtimoiy hayotida faol ishtirok etish;
•     liderlik va tashabbuskorlik fazilatlarini namoyon etish.

Tanlov jarayoni
Nomdor stipendiyalar uchun tanlov ikki bosqichda o‘tkaziladi:
1-bosqich – hujjatlar qabuli va saralash
Nomzodlarning akademik natijalari, yutuqlari va faolligi baholanadi.
2-bosqich – imtihon
Saralashdan muvaffaqiyatli o‘tgan talabalar quyidagi yo‘nalishlar bo‘yicha sinov topshiradilar:

•     O‘zbekiston tarixi;
•     Mantiqiy fikrlash.

Yakuniy natijalarga ko‘ra stipendiya sohiblari aniqlanadi.
Nomdor stipendiyaning afzalliklari
Nomdor stipendiyalar nafaqat moliyaviy qo‘llab-quvvatlash, balki talabaning kelajakdagi professional faoliyati uchun ham muhim imkoniyatlarni yaratadi.
Stipendiya sohiblari:

•     100 foizlik stipendiya bilan ta’minlanadi;
•     universitetning eng faol va iqtidorli talabalari qatoridan joy oladi;
•     vakant ish o‘rinlari mavjud bo‘lgan taqdirda universitetda faoliyat boshlash imkoniyatiga ega bo‘ladi.

2026-yildan boshlab har bir bakalavriat yo‘nalishi uchun 10 ta grant
2026/2027-o‘quv yilidan boshlab Toshkent Kimyo xalqaro universiteti abiturientlar uchun yangi grant dasturini joriy etmoqda.
Mazkur dasturga ko‘ra, universitetdagi har bir bakalavriat ta’lim yo‘nalishi bo‘yicha 10 tadan grant o‘rni ajratiladi.
Grantlar kirish imtihonlarida eng yuqori natija ko‘rsatgan abiturientlarga taqdim etiladi. Bu esa iqtidorli yoshlar uchun grant asosida tahsil olish va sifatli oliy ta’limga ega bo‘lish imkoniyatlarini yanada kengaytiradi.
Toshkent Kimyo xalqaro universiteti bundan buyon ham iqtidorli yoshlarni qo‘llab-quvvatlash, ularning ilmiy va kasbiy salohiyatini rivojlantirish hamda raqobatbardosh mutaxassislarni tayyorlashga qaratilgan dasturlarni kengaytirishda davom etadi.
Kalit so‘zlar: Toshkent Kimyo xalqaro universiteti granti, KIUT grant, universitet granti, ta’lim granti, grant asosida o‘qish, grant 2026, abiturientlar uchun grant, nomdor stipendiya, Janpo‘lat Kudaybergenov stipendiyasi, Ahmadjon O‘lmasov stipendiyasi, Murod Sharifhadjayev stipendiyasi, bakalavriat granti, magistratura stipendiyasi, O‘zbekistondagi grantlar, IELTS sertifikati bilan grant, TOPIK sertifikati bilan grant.