Yoshlar tashabbuslari — e’tibor markazida
30-aprel kuni Toshkent Kimyo xalqaro universitetida “Rahbar va yoshlar uchrashuvi” bo‘lib o‘tdi. Tadbirning asosiy qismi — talabalar tomonidan yaratilgan innovatsion startap loyihalarining Yakkasaroy tumani hokimiga taqdimoti bo‘ldi.
Talabalar o‘z ishlanmalari orqali real muammolarga amaliy yechimlar taklif etib, zamonaviy fikrlashi va tashabbuskorligini namoyon etdi. Ushbu loyihalar hokimiyat vakillarida katta qiziqish uyg‘otdi va ularni qo‘llab-quvvatlash bo‘yicha aniq vazifalar belgilandi.
Uchrashuvda Yakkasaroy tumani hokimi N.A. Allabergenova, tuman prokurori B.R. Shamshiyev, tuman Ichki ishlar organlari boshqarmasi boshlig‘i A.X. Murodov, tuman soliq inspeksiyasi boshlig‘i J.A. Ergashev hamda boshqa mutasaddi tashkilotlar vakillari ishtirok etdi.
Tadbir ochiq muloqot ruhida davom etib, talabalar o‘z savollariga bevosita javob oldilar.
Mazkur uchrashuv yoshlarning g‘oyalari nafaqat eshitilayotganini, balki real qo‘llab-quvvatlanayotganini yana bir bor ko‘rsatdi.
