Toshkent Kimyo xalqaro universitetining “Energetika va amaliy fanlar” hamda “Mashinasozlik” kafedralari hamkorligida “Raqamli ishlab chiqarish va texnologiyalarni loyihalash” va “Ishlab chiqarish” fanlari bo‘yicha olingan nazariy bilimlarni amaliyotda qo‘
Toshkent Kimyo xalqaro universitetining “Energetika va amaliy fanlar” hamda “Mashinasozlik” kafedralari hamkorligida “Raqamli ishlab chiqarish va texnologiyalarni loyihalash” va “Ishlab chiqarish” fanlari bo‘yicha olingan nazariy bilimlarni amaliyotda qo‘llash maqsadida Toshkent metallurgiya zavodiga tashkillashtirilgan tashrif ta’lim, fan, ishlab chiqarish va amaliyot o‘rtasidagi o‘zaro hamkorlikni mustahkamlashda muhim ahamiyat kasb etdi.
Mazkur o‘quv-amaliy tadbir nazariy va amaliy bilimlar integratsiyasini kuchaytirib, kelajak muhandis mutaxassislarini tayyorlashda samarali platforma bo‘ldi. Integratsiya jamiyat taraqqiyoti va mutaxassislar tayyorlash sifatini oshirishda muhim o‘rin tutadi. Nazariy bilimlarni ishlab chiqarish jarayonlari bilan bog‘lash orqali ularni mustahkamlash, talabalarda amaliy ko‘nikmalarni shakllantirish, korxonalar va ta’lim muassasalari o‘rtasida qo‘shma loyihalar, amaliyot va stajirovkalarni tashkil etish muhim vazifalardan biridir. Шунингдек, turli fanlar o‘rtasida uzviy bog‘liqlikni yo‘lga qo‘yish kompleks bilim va keng tafakkurni rivojlantirishga xizmat qiladi.
Ilmiy-tadqiqot natijalarini ishlab chiqarishga tatbiq etish orqali zamonaviy texnologiyalarni rivojlantirish imkoniyati yaratiladi. Qisqacha aytganda, integratsiya jarayonida mutaxassislarda nazariy bilim, amaliy tajriba va ijodiy yondashuv uyg‘unlashadi. Integratsiyani rivojlantirish ta’lim sifati va ishlab chiqarish samaradorligini oshirishga, raqobatbardosh kadrlar tayyorlashga xizmat qiladi.
