Ташкент Кимё халқаро университети (ТКХУ) асосчиси профессор Алишер Вахобов бошчилигидаги делегация Жанубий Кореядаги Sookmyung Women’s University университетига ташриф буюрди
Ташкент Кимё халқаро университети (ТКХУ) асосчиси профессор Алишер Вахобов бошчилигидаги делегация Жанубий Кореядаги Sookmyung Women’s University университетига ташриф буюрди. Ташрифнинг мақсади икки университет ўртасидаги таълим соҳасидаги ҳамкорликни мустаҳкамлаш ва янги дастурлар бўйича музокаралар олиб бориш эди.
Sookmyung Women’s University Сеулда жойлашган ва Кореянинг энг нуфузли хусусий университетларидан бири ҳисобланади. 2025 йилги QS World University Rankings рейтингида 1201-1400 ўринларда турибди.
Ташриф доирасида, ТКХУ ва Sookmyung Women’s University университетлари ўртасида 2+2 ва 3+1 дастурларини ташкил этиш бўйича музокаралар ўтказилди. Бу дастурлар талабаларга икки университетда таълим олиш ва халқаро тажриба орттириш имкониятини беради.
Шунингдек, магистратура бўйича 1+1 дастури ҳам муҳокама қилинди. Бу дастур талабаларга икки мамлакатда таълим олиш имконини тақдим этади.
ТКХУ ва Sookmyung Women’s University университетлари ўртасида узоқ муддатли ҳамкорликни рағбатлантириш мақсадида меморандум имзоланиши 2025 йилнинг иккинчи ярмига режалаштирилган.
