KIUT talabalari “ARCHVISION 2026” respublika tanlovida sovrinli o‘rinlarni egalladi
15-oktabr kuni Toshkent arxitektura-qurilish universitetida o‘tkazilgan “ARCHVISION 2026” respublika talabalar arxitektura tanlovida Toshkent Kimyo xalqaro universitetining Arxitektura va shaharsozlik yo‘nalishi bitiruvchilari o‘z diplom loyihalari bilan muvaffaqiyatli ishtirok etdi.
Tanlov natijalariga ko‘ra:
Mirzayev Mirali — “Madaniy meros obyektlarini asrash va rivojlantirish bo‘yicha eng yaxshi yechim” nominatsiyasida 1-o‘rin (410 ball). Ilmiy rahbar: Rustam Abduraximov.
Muxtorov Jumaniyoz — “Eng yaxshi shaharsozlik yechimi” nominatsiyasida 2-o‘rin (365 ball). Ilmiy rahbar: Dinara Xadjiyeva.
Yefimenko Lyubov — “Eng yaxshi shaharsozlik yechimi” nominatsiyasida 3-o‘rin (354 ball). Ilmiy rahbar: Kamola Muminova.
Ayni paytda magistratura bosqichida tahsil olayotgan yosh mutaxassislarning ushbu natijalari KIUTda arxitektura va shaharsozlik yo‘nalishida olib borilayotgan ta’lim hamda amaliy tayyorgarlik samaralaridan biridir.
G‘oliblarni va ularning ilmiy rahbarlarini tabriklaymiz!
