KIUT professorlari Buyuk Britaniyada sun’iy intellekt asosida ta’lim berish bo‘yicha malaka oshirdi
Toshkent Kimyo xalqaro universitetining 20 nafar professori Buyuk Britaniyadagi University of Greenwichda bir oylik Continuing Professional Development (CPD) dasturini muvaffaqiyatli tamomladi.
Ikki universitet o‘rtasidagi hamkorlik doirasida tashkil etilgan 144 soatlik dastur sun’iy intellektni ta’lim jarayoniga samarali integratsiya qilish hamda zamonaviy pedagogik yondashuvlarni qo‘llashga bag‘ishlandi. Dastur davomida ishtirokchilar amaliy ko‘nikmalarini mustahkamlash, xalqaro tajriba almashish va ikki oliy ta’lim muassasasi o‘rtasidagi akademik hamkorlikni yanada rivojlantirish imkoniyatiga ega bo‘ldi.
