Ibn Sino qarashlari va talaba yutugʻi: Epilepsiya boʻyicha ilmiy yangilik
Epilepsiya kasalligini davolashda ming yil avval yashagan buyuk alloma Ibn Sino qanday usullardan foydalangan?
Toshkent Kimyo Xalqaro Universiteti talabasi Yoqubov Farruxjon Gʻofur oʻgʻli shu savolga javob izlab, buyuk mutafakkirning mashhur “Al-Qonun fit-tibb” asarini chuqur oʻrgandi. Natijada u oʻz ilmiy izlanishlarini xalqaro maydonda taqdim etdi.
Yaqinda oʻtkazilgan “ABU ALI IBN SINO (AVITSENNA): SHARQ GAVHARI – JAHON MEROSI” xalqaro ilmiy-amaliy anjumanida Farruxjonning “Avitsennaning Epilepsiya kasalligi boʻyicha amaliy qarashlari” mavzusidagi maʼruzasi tinglovchilar eʼtiborini tortdi. Unda Ibn Sinoning qadimiy davolash usullari va ularning zamonaviy tibbiyotdagi oʻrni atroflicha yoritib berildi.
Bu yutuqda Farruxjonning ilmiy rahbari – Klinik fanlar kafedrasi DSc Abduraximova Lola Anvarovnaning hissasi katta boʻldi. Aynan uning rahbarligi ostida tadqiqotlar amalga oshirildi. Anjuman yakunida Farruxjon “Eng yaxshi yosh maʼruzachi” nominatsiyasi bilan taqdirlandi.
