Oliy hamshiralik ishi
Ta’lim yo‘nalishi: 60910600 – Oliy hamshiralik ishi
Ta’lim muddati: 4 yil
Kvalifikatsiya: Oliy hamshira
Oliy hamshiralik ishi yo‘nalishi bo‘yicha talabalar ilk bor 2024-yildan boshlab qabul qilinmoqda. Mazkur yo‘nalish tibbiyot ta’limi tizimidagi muhim va amaliyotga yo‘naltirilgan bakalavriat yo‘nalishlaridan biri bo‘lib, yuqori malakali hamshira mutaxassislarni tayyorlashga qaratilgan.
Qabul jarayonida abituriyentlar kimyo va biologiya fanlaridan imtihon topshiradi. Shuningdek, ushbu fanlar bo‘yicha milliy yoki xalqaro sertifikatga ega abituriyentlar imtihonsiz o‘qishga tavsiya etilishi mumkin.
Yo‘nalishning maqsad va vazifalari
Dasturdan ko‘zlangan asosiy maqsad — aholiga birlamchi tibbiy-sanitariya yordam ko‘rsatishda yuqori malakali hamshira mutaxassislarni tayyorlashdir.
Asosiy vazifalar:
- fundamental va klinik fanlar bo‘yicha nazariy va amaliy bilimlarni shakllantirish;
- zamonaviy tibbiy texnologiyalar asosida hamshiralik faoliyatini rivojlantirish;
- kasalliklarning oldini olish va sog‘lom turmush tarzini targ‘ib qilish;
- bemorlarni parvarish qilish va reabilitatsiya ko‘nikmalarini rivojlantirish;
- ilmiy-tadqiqot va innovatsion faoliyatga jalb etish;
- professional kadrlar zaxirasini shakllantirish.
O‘quv rejasi haqida umumiy ma’lumot
1–2-kurslar (nazariy bosqich):
Talabalar inson organizmi tuzilishi va funksiyalarini o‘rganadi.
Asosiy fanlar: anatomiya, tibbiy biologiya, tibbiy kimyo, lotin tili.
3–4-kurslar (klinika oldi va klinik bosqich):
Talabalar hamshiralik faoliyatining turli yo‘nalishlarini o‘rganadi: terapiya, jarrohlik, yuqumli kasalliklar va boshqalar.
Xalqaro hamkorlik va ta’lim dasturlari
Xalqaro hamkorlik ta’lim sifatini oshirish va zamonaviy tajribani o‘zlashtirishda muhim o‘rin tutadi.
Hamkor universitetlar:
- Necmettin Erbakan University
- Istanbul Aydin University
- Soonchunhyang University
- Salymbekov University
Talabalar va professor-o‘qituvchilar uchun exchange dasturlari, xorijda o‘qish va amaliyot imkoniyatlari mavjud.
Natija va karyera imkoniyatlari
Bitiruvchilar quyidagi imkoniyatlarga ega bo‘ladi:
- birlamchi tibbiy muassasalarda oliy hamshira sifatida ishlash;
- bemorlarni parvarish qilish va tibbiy yordam ko‘rsatish;
- sog‘liqni saqlash tizimida boshqaruv faoliyati.
Keyingi bosqichda:
- magistratura (jamoat salomatligi, menejment);
- ilmiy faoliyat (PhD) imkoniyatlari mavjud.
Faoliyat sohalari va diplom
Diplom: Bakalavr
Mutaxassislik: Oliy hamshiralik ishi
Bitiruvchilar quyidagi muassasalarda faoliyat yuritadi:
- oilaviy poliklinikalar;
- ko‘p tarmoqli tibbiy markazlar;
- sog‘liqni saqlash boshqaruvi va sug‘urta tizimi.
Yo‘nalish yutuqlari
2026–2027 o‘quv yilidan boshlab 2+2 dasturi asosida O‘zbekiston va Janubiy Koreya o‘rtasida xalqaro hamkorlik yo‘lga qo‘yildi. Dastur talabalar uchun xalqaro tajriba, til ko‘nikmalari va raqobatbardoshlikni oshirish imkonini beradi.