Yoshlar uchun yangi imkoniyatlar: qanday o‘zgarishlar kutilmoqda?
O‘zbekiston Respublikasi Prezidenti Shavkat Mirziyoyev tomonidan yoshlarni qo‘llab-quvvatlashga qaratilgan 32 ta muhim tashabbus e’lon qilindi.
Mazkur tashabbuslar yoshlarning tadbirkorlik faoliyati, startaplari, innovatsion loyihalari va bandligini qo‘llab-quvvatlashga qaratilgan kompleks tizimni shakllantirishni nazarda tutadi.
Rejaga ko‘ra:
- yosh tadbirkorlar uchun yirik miqdordagi moliyaviy instrumentlar joriy etiladi;
- innovatsion startap loyihalari qo‘llab-quvvatlanadi;
- eng yaxshi biznes g‘oyalarini rivojlantirish va brendga aylantirish imkoniyatlari yaratiladi;
- yoshlar uchun bosqichma-bosqich moliyaviy “o‘sish mexanizmi” shakllantiriladi.
Hozirgi vaqtda ushbu tashabbuslarni amalga oshirish mexanizmlari ishlab chiqilmoqda. Tegishli normativ hujjatlar qabul qilingach, aniq tartib va shartlar e’lon qilinadi.
Universitetimiz ushbu jarayonlarni diqqat bilan kuzatib boradi hamda talabalar va bitiruvchilarni yangi imkoniyatlar haqida muntazam ravishda xabardor qilib boradi.
Biz ishonamizki, yaqin yillarda yoshlar uchun tadbirkorlik va ilmiy-innovatsion faoliyatni boshlash hamda kengaytirish uchun mutlaqo yangi muhit shakllanadi.
Imkoniyatlar kengaymoqda. Tayyor turish – eng muhim qadam.
